काठमाडौं। चन्द्रागिरी हिल्स लिमिटेडले चालु आर्थिक वर्षको तेस्रो त्रैमाससम्मको वित्तीय विवरण प्रकाशन गरेको छ। यस अवधिसम्म आइपुग्दा कम्पनीले १० करोड ८८ लाख रुपैयाँ खुद नाफा कमाएको छ । यो गत वर्षको यसै अवधिको भन्दा ०.८३ प्रतिशतले बढी हो ।
गत वर्षको यसैअवधिमा यस कम्पनीले १० करोड ७९ लाख रुपैयाँ खुद नाफा कमाएको थियो ।
यस समिक्षा अवधिमा कम्पनीको आम्दानी ८.९७ प्रतिशतले घटेर ६३ करोड ५१ लख रुपैयाँमा आएको छ । गत वर्ष यसैअवधिमा यस कम्पनीले ६९ करोड ७३ लाख रुपैयाँ आम्दानी गरेको थियो ।
१ अर्ब ५३ करोड ४० लाख ९१ हजार रुपैयाँ चुक्ता पुँजी रहेको यस कम्पनीको रिजर्भ कोषमा ३ करोड ८१ लाख रुपैयाँ रहेको छ ।
यस अवधिमा कम्पनीको प्रतिसेयर आम्दानी ७ रुपैयाँ ०९ पैसा र प्रतिसेयर नेटवर्थ १०२ रुपैयाँ ४९ पैसा छ ।
