काठमाडौँ । अर्थमन्त्री रामेश्वर खनालले जेनजी आन्दोलनका क्रममा आगलागीबाट क्षति पुगेका अटोमोबाइल्स ब्राण्डका शोरुमहरुको मंगलबार स्थलगत अवलोकन गरेका छन्।
खनालले थापाथलीस्थित अटो हकमा पुगेर टाटा, हुण्डाई, सुजुकी, आयोन, एक्सपेङ, महिन्द्रलगायतका शोरुमको अनुगमन गरेका हुन्। अनुगमनका क्रममा उनले आगलागीले पुर्याएको क्षति नजिकैबाट बुझेका छन्।
अर्थसचिव घनश्याम उपाध्यायसहितको टोलीमा सहभागी खनाललाई नाडा (नेपाल अटोमोबाइल्स डिलर्स एसोसिएसन) का अध्यक्ष करण चौधरीसहितका व्यवसायीहरुले विस्तृत जानकारी दिएका थिए।
