काठमाडौँ । एनएमबि बैंकले विद्युतीय सवारीसाधन (इभी) किन्न चाहने ग्राहकहरूका लागि विशेष अटो लोन योजना सार्वजनिक गरेको छ। वार्षिक ७.१३ प्रतिशतको प्रतिस्पर्धात्मक ब्याजदरमा उपलब्ध यो योजना नाडा अटो शो २०२५ र आसन्न चाडपर्वलाई लक्षित गरी ल्याइएको हो।
सीमित अवधिका लागि लागू यो विशेष अटो लोन सहज र झन्झटविहीन आवेदन प्रक्रियामार्फत उपलब्ध गराइएको छ।
एनएमबि बैंकले नेपालको हरित र समृद्ध भविष्यको यात्रालाई टेवा पुर्याउने उद्देश्यसहित यस्तो योजना ल्याएको जनाएको छ।
नाडा अटो शो अन्तर्गत भृकुटीमण्डपस्थित स्टल नं. ई२४ मा एनएमबि बैंकको स्टल रहेको छ ।
एनएमबी बैंकले हाल देशभर २०२ शाखा, १८७ एटिएम, र ९ विस्तारित काउन्टरमार्फत वित्तीय सेवा प्रदान गर्दै आएको छ। बैंकले ग्राहकमुखी सेवा र दिगो भविष्यप्रतिको प्रतिबद्धता अनुसार यस्ता योजना ल्याउँदै आएको छ।
थप जानकारीका लागि इच्छुक व्यक्तिहरूले नजिकको एनएमबी बैंक शाखा वा नाडा अटो शोमा सम्पर्क गर्न सक्नेछन्।
