काठमाडौं । फोटोनको नयाँ पिकअप ट्रक टुनल्यान्ड G7 नेपालमा औपचारिक रूपमा सार्वजनिक गरिएको छ। पुलचोकस्थित ‘द प्लाजा’मा आयोजित कार्यक्रममा एमएडब्लू वृद्धि कमर्सियलले उक्त पिकअप सार्वजनिक गरेको हो। कम्पनीले यो सवारीलाई नेपालको भूगोल र सडक अवस्थालाई मध्यनजर गर्दै प्रस्तुत गरिएको बताएको छ।
टुनल्यान्ड G7 नेपालमा प्रवेश गर्नु अघि १५,००० किलोमिटर अफ-रोड परीक्षणमा सहभागी भएको थियो।
इन्जिन र विशेषताहरू
यसमा १०.२५ इन्च टचस्क्रिन इन्फोटेनमेन्ट सिस्टम, ब्लुटुथ कनेक्टिभिटी, रियर-भ्यू क्यामेरा, डुअल एयरब्याग, र ABS with EBD जस्ता आधुनिक सुरक्षा र सुविधाजनक फिचरहरू पनि समावेश छन्।
आराम र इन्टेरियर
मूल्य र भेरियन्ट
Elite: रु. ५१.९९ लाख
Luxury: रु. ६५.४० लाख
Flagship: रु. ६९.९९ लाख
सार्वजनिक कार्यक्रममा एमएडब्लू वृद्धिका प्रबन्ध निर्देशक विवेक सिकारियाले नेपालमा पछिल्ला वर्षहरूमा १,५०० भन्दा बढी फोटोन सवारी बिक्री भएको जानकारी दिए। तीमध्ये करिब ५०० पिकअप गाडी रहेका छन्। उनले G7 का लागि २०% कम मर्मत खर्च रहेको र आफ्टर सेल्स सर्भिसमा कम्पनी गम्भीर रहेको बताए।
फोटोन इन्टरनेशनलका अधिकारीहरूले टुनल्यान्ड G7 लाई नेपालको भूगोल र उपभोक्ताको आवश्यकतालाई मध्यनजर गर्दै उपलब्ध गराइएको बताएका छन्। यस पिकअपलाई व्यावसायिक प्रयोजनका साथै व्यक्तिगत यात्राका लागि पनि उपयुक्त बनाइएको छ।
कार्यक्रममा सहभागी ग्राहकहरूलाई गाडीको साँचो हस्तान्तरण गरिएको थियो। कम्पनीले निकट भविष्यमा अन्य मोडलहरू पनि नेपालमा ल्याउने संकेत दिएको छ।
