काठमाडौं। जर्मन ब्राण्ड फक्सवागेनका दुई पावरफुल पेट्रोल कार नेपाली बजारमा सार्वजनिक भएको छ। नेपालका लागि फक्सवागेनको आधिकारिक वितरक पूजा इन्टरनेशनल नेपाल प्रालिले नाइमा नेपाल मोबिलिटी एक्स्पोमा भर्टुस जीटी सेडान र नयाँ टाइगुन एसयूभी सार्वजनिक गरेको हो।
टाइगुनको ७ भेरियन्ट र भर्टुसको दुई भेरियन्ट कम्पनीले सार्वजनिक गरेको हो । कम्पनीले टाइगुनको बेसर भेरियन्टको मूल्य ५४ लाख ९० हजार र टप भेरियन्टको ८९ लाख रुपैयाँ तोकेको छ ।
यी दुवै गाडीमा यस सेग्मेन्टकै सबैभन्दा पावरफुल १.५ लिटरको टर्वो पावर ईन्जिन जडान गरिएको छ। जर्मन प्रविधिबाट निर्मित यी गाडीमा ग्राहकले अतुलनीय सुरक्षा तथा पावर पर्फमेन्सको अनुभूति गर्न पाउने कम्पनीको दाबी छ ।
भर्टुस र टाइगुन दुवैमा पावरको आवश्यकता अनुसार दुई वा चारै सिलिण्डरद्वारा चल्ने १५०० सीसीको इन्जिन छ । यसले १५० हर्ष पावर शक्ति दिन्छ । दुवै कारले विश्वकै उच्च स्तरको सुरक्षा मापदण्ड एन क्यापमा ५ स्टार रेटिङ पाएका छन् । जसले ड्राइभर र प्यासेन्जर दुवैलाई सुरक्षित अनुभूति गराउँदछ ।
दुवै कारमा सेभेन स्पिड गियरबक्स, ६ वटा एयर ब्याग, इलेक्ट्रोनिक स्टायबिलिटी कन्ट्रोल, हिल होल्ड कन्ट्रोल छ ।
