काठमाडौं । नेपालमा दुईपाङ्ग्रे बजारमा लोकप्रिय ब्रान्ड हिरो मोटोकर्पले दशैँ, तिहार र छठ पर्वलाई लक्षित गर्दै ‘हाम्रो परम्परा २०८२’ स्किम सार्वजनिक गरेको छ । कम्पनीले भदौ १६ गतेदेखि कात्तिक २९ गतेसम्म लागू हुने गरी स्किम ल्याएको हो ।
स्किमअन्तर्गत ग्राहकले स्योरसट डिजिटल स्क्र्याचमार्फत न्यूनतम ८ हजारदेखि अधिकतम ५ लाख रुपैयाँसम्म नगद छुट पाउन सक्नेछन् । त्यस्तै, पुरानो सवारीसाधन एक्सचेन्ज गर्दा अतिरिक्त २,०८२ रुपैयाँ सहित न्यूनतम १०,०८२ रुपैयाँदेखि अधिकतम १ लाख रुपैयाँसम्मको क्यास डिस्काउन्ट उपलब्ध हुनेछ ।
यससँगै, हिरो मोटोकर्पले हालै नाडा अटो शोमा आफ्नो नयाँ उत्पादन ‘जुम १२५’ सार्वजनिक गरेको थियो । कम्पनीका अनुसार आकर्षक डिजाइन, १४ इन्चको रिम, ० देखि ६० किमी प्रतिघण्टा स्पीड ७.६ सेकेन्डमै लिन सक्ने क्षमता, प्युल लिड वजरलगायतका विशेषता समेटिएका कारण यो मोडल प्रतिस्पर्धी ब्रान्डभन्दा फरक र उत्कृष्ट रहेको दाबी गरिएको छ ।
हिरो मोटोकर्पले ग्राहकको विश्वास र चाहनालाई ध्यानमा राख्दै निरन्तर नयाँ मोडल बजारमा ल्याउने प्रतिबद्धता जनाएको छ ।
