काठमाडौँ। बुटवलको मुटुमा अवस्थित प्रिमियम होटल हायात प्लेस बुटवलले भ्यालेन्टाइन्स डे (प्रेम दिवस) को अवसरमा प्रेमी–प्रेमिकाका लागि विशेष ‘रोमान्टिक एस्केप’ अफर सार्वजनिक गरेको छ । जोडीबीचको आत्मीयता र सम्बन्धलाई अझ प्रगाढ बनाउने उद्देश्यले ल्याइएको “एन इभिनिङ डेट लिङ्गर्स” नामक विशेष प्याकेज रु. १४,९९९ (नेट) मा उपलब्ध गराइएको होटलले जनाएको छ ।
शान्त वातावरण, स्तरीय आतिथ्य सत्कार र रोमान्टिक अनुभूतिको खोजीमा रहेका जोडीहरूका लागि यो प्याकेज उत्कृष्ट रोजाइ बन्न सक्ने विश्वास लिइएको छ ।
साथै, ‘अनवाइन्ड टुगेदर’ अफरअन्तर्गत ६० वा ९० मिनेटको स्पा सेसन बुक गर्दा १५ प्रतिशत विशेष छुटसमेत प्रदान गरिनेछ, जसले जोडीहरूलाई सँगै आराम गर्दै ताजगी महसुस गर्न मद्दत गर्नेछ ।
हायात प्लेस बुटवलमा १०९ वटा फराकिला अतिथि कक्ष उपलब्ध छन्, जहाँबाट हरियाली जंगल र डाँडाकाँडाको मनमोहक दृश्य अवलोकन गर्न सकिन्छ । आधुनिक सुविधा र शान्त वातावरणको उत्कृष्ट संयोजन रहेको यो होटल एकान्तमा समय बिताउन र एक–अर्कासँग नजिकिन चाहने जोडीका लागि उपयुक्त गन्तव्यका रूपमा स्थापित हुँदै गएको छ ।
डिनर डेटका लागि होटलको जिङ बारमा अन्तर्राष्ट्रिय परिकार र स्थानीय स्वाद मिसिएका विशेष ककटेलहरूको चयन उपलब्ध छ । हायात प्लेस बुटवलका हेड सेफ उमेश तामाङका अनुसार, भ्यालेन्टाइन्स डे लाई लक्षित गरी विशेष मेनु तयार गरिएको छ, जहाँ जिङ रेस्टुरेन्टको सांस्कृतिक र आकर्षक सजावटबीच परिकारको स्वाद लिँदा जोडीहरूले एक–अर्कासँगको सामीप्यता अझ गहिरो रूपमा महसुस गर्न सक्नेछन् ।
होटल बाहिर पनि बुटवलको प्राकृतिक र सांस्कृतिक सौन्दर्यले जोडीहरूलाई आकर्षित गर्नेछ । मणिमुकुन्द सेन पार्कको शान्त वातावरण, जितगढी किल्लाबाट देखिने मनोरम दृश्य, सिद्धबाबा मन्दिरको आध्यात्मिक शान्ति तथा तिनाउ नदी किनारको रमणीय परिवेशले बुटवललाई रोमान्टिक गन्तव्यका रूपमा चिनाएको छ। वरपरका पार्क, शान्त गोरेटो र खुला वातावरणले यहाँको अनुभवलाई अझ आत्मीय बनाउने होटलको विश्वास छ ।
हायात प्लेस बुटवलले शैली, नवीनता र चौबीसै घण्टा उपलब्ध सुविधाको संयोजनमार्फत आधुनिक तथा व्यस्त यात्रुलाई सहज अनुभव प्रदान गर्दै आएको छ । होटलमा सुत्न, काम गर्न र रमाइलो गर्न छुट्टाछुट्टै स्थानसहितका फराकिला अतिथि कक्ष, २४/७ मार्केट, अत्याधुनिक फिटनेस सेन्टर, बाहिरी पौडी पोखरी तथा विवाह र माइस (मिटिङ, इन्सेन्टिभ, कन्फरेन्स र एक्जिबिसन) कार्यक्रमका लागि उपयुक्त ब्यांक्वेट सुविधाहरू उपलब्ध छन्।
होटल व्यवस्थापनले यस भ्यालेन्टाइन्स डे मा हायात प्लेस बुटवलले प्रेम, सम्बन्ध र आत्मीयताको अविस्मरणीय अनुभूति प्रदान गर्ने जनाएको छ ।
