काठमाडौं । सांग्रिला डेभलपमेन्ट बैंक लिमिटेडले सेयरधनीलाई कुल १०.२५६३ प्रतिशत लाभांश वितरण गर्ने प्रस्ताव पारित गरेको छ। बैंकको २२औँ वार्षिक साधारणसभाले आर्थिक वर्ष २०८१/८२ को मुनाफाबाट बोनस सेयर र नगद लाभांश दिने निर्णय गरेको हो।
प्रस्तावअनुसार सेयरधनीले ४ प्रतिशत बोनस सेयर र ६.२५६३ प्रतिशत नगद लाभांश पाउनेछन्। नगद लाभांशमा लाग्ने करसमेत समावेश गरिएको बैंकले जनाएको छ।
बैंकले १४ करोड ९३ लाख ६२ हजार ७४० रुपैयाँ बराबरको बोनस सेयर तथा २४ करोड ३६ लाख ९७ हजार १०२ रुपैयाँ नगद लाभांश वितरण गर्नेछ। यसअनुसार कुल ३९ करोड ३० लाख ५९ हजार ८४२ रुपैयाँ सेयरधनीलाई बाँडिनेछ।
सभाले आर्थिक वर्ष २०८१/८२ को लेखापरीक्षणका लागि सुजन काफ्ले एन्ड एसोसिएट्स, चार्टर्ड एकाउन्टेन्ट्सलाई नियुक्त गर्ने प्रस्तावसमेत पारित गरेको छ।
