काठमाडौँ। महिला लघुवित्त वित्तीय संस्था लिमिटेडले २ हजार कित्ता संस्थापक सेयर बिक्रीमा राखेको छ ।
संस्थाले एक सूचना जारी गर्दै आजदेखि संस्थापक सेयरधनीको नाममा रहेको उक्त सेयर लिलामीमार्फत बिक्रीमा राखेको जनाएको छ । सेयरको न्यूनतम मूल्य प्रतिकित्ता ७ सय रुपैयाँ निर्धारण गरिएको छ ।
बोलकबोल पेश गर्दा न्यूनतम १०० कित्ताका लागि र अधिकतममा सम्पूर्ण कित्ताका लागि आवेदन दिन सकिनेछ ।
यो सेयर खरिदका लागि जो कोही व्यक्ति, कम्पनी तथा संघ संस्थाले आवेदन दिन सक्नेछन् ।
इच्छुक लगानीकर्ताले माघ २ गतेभित्र सेयर रजिष्टर्ड, नेपाल एसबिआई मर्चेन्ट बैंकिङमा आई पुग्ने गरी आवेदन दिनुपर्ने कम्पनीले जनाएको छ ।
