काठमाडौँ । बिहीबारका दिन सुनको भाउमा गिरावट आएको छ ।
नेपाल सुन चाँदी व्यवसायी महासंघका अनुसार आज प्रतितोला २ हजार ४०० रुपैयाँले सुनको मूल्य घटेको छ । बुधवार १ हजार १०० रुपैयाँले बढेको सुनको भाउ आज घटेको हो ।
बिहीबार छापावाला सुनको भाउ प्रतितोला १ लाख ४५ हजार रुपैयाँमा कारोबार भइरहेको छ ।
बुधवार छापावाला सुनको भाउ प्रतितोला १ लाख ४७ हजार ४०० रुपैयाँमा कारोबार भएको थियो ।
त्यस्तै आज तेजाबी सुनको भाउ प्रतितोला १ लाख ४४ हजार ३०० रुपैयाँमा कारोबार भइरहेको छ । बुधवार प्रतितोला तेजाबी सुनको भाउ १ लाख ४६ हजार ७०० कारोबार भएको थियो । चाँदी १ हजार ७५० रुपैयाँमा कारोबार भइरहेको छ । बुधवार चाँदी १ हजार ८०५ रुपैयाँमा कारोबार भएको थियो ।
अन्तर्राष्ट्रिय बजारमा समेत बिहीबार सुन प्रतिऔंस सुन २ हजार ३७६ दशमलव २९ डलरमा कारोबार भइरहेको छ भने प्रतिऔंस चाँदी २७ डलर ९२ पैसामा कारोबार भइरहेको छ ।
