काठमाडौं । । भारतीय नम्बर प्लेटको स्करपियो गाडीबाट सुनसरी प्रहरीले एक करोड ८२ लाख ५१ हजार नक्कली नोट बरामद गरेको छ
प्रहरीका अनुसार भारतीय गाडीमा राखेर ल्याउँदै गरेको अवस्थामा इनरुवा नगरपालिका–४ स्थित सुनसरी खोलाको पुलनजिकबाट नक्कली नोट बरामद भएको हो । बोराभित्र झोलामा राखेर ल्याइएको अवस्थामा नक्कली नोट फेला परेको सुनसरी प्रहरीले जानकारी दिएको छ ।
नक्कली नोटसँगै एक जना भारतीय नागरिक पनि पक्राउ परेको एसपी रेग्मीले बताए ।
सवारीसाधन चेकजाँचमा खटिएको ट्राफिक प्रहरीको टोलीले बीआर ११ एक्स ३४२९ नम्बरको स्करपियो गाडी रोकेको थियो । शङ्कास्पद अवस्थाको स्करपियो गाडीमा खानतलासी गर्दा पछाडिको भागमा लुकाइछिपाइ ल्याइएको नक्कली नोटहरू बरामद भएको हो ।
रकम बरामद भएपछि अनुसन्धान प्रक्रिया अघि बढाइएको पहरीले जनाएको छ, साथै आज दिउँसो १ बजे पत्रकार सम्मेलन गरी विस्तृतमा जानकारी दिने सुनसरी प्रहरीको भनाई छ ।
