काठमाण्डौ । युनिलिभर नेपाल लिमिटेडले गत आवको चौथो त्रैमाससम्मको बित्तीय विवरण सार्वजनिक गरेको छ । जस अनुसार कम्पनीले गत आवको चौथो त्रैमाससम्म १ अर्ब ९७ करोड रुपैयाँ खुद नाफा आर्जन गरेको छ ।
जुन अघिल्लो आवको सोहि अवधिको तुलनामा ७.६२ प्रतिशतले बढी हो ।
कम्पनीको कुल खर्च पनि ५.८० प्रतिशतले घटेको छ । अघिल्लो आवको चौथो त्रैमाससम्म ६ अर्ब ४३ करोड रुपैयाँ रहेको कम्पनीको खर्च घटेर ६ अर्ब ६ करोड रुपैयाँमा सीमित भएको छ । कम्पनीको रिटेन्ट अर्निङ ११.८२ प्रतिशतले बढेको छ । रिटेन्ड अर्निङको आकार ४ अर्ब २६ करोड रुपैयाँ रहेको छ ।
अघिल्लो आवको चौथो त्रैमाससम्म ८ अर्ब ४८ करोड आम्दानी गरेको कम्पनीले चालु आवको समीक्षा अवधिसम्म भने ८ अर्ब २३ करोड आम्दानी गरेको छ । यस्तै कम्पनीको अन्य आम्दानी भने बढेको छ । कम्पनीले २४ करोड ७ लाख रुपैयाँबराबरको अन्य आम्दानी गरेको छ । अघिल्लो आवसम्ममा भने कम्पनीले १९ करोड ३६ लाख रुपैयाँबराबरको अन्य आम्दानी गरेको थियो ।
१ अर्ब ३ करोड रुपैयाँबराबरको नगद मौज्दात रहेको कम्पनीले मुद्दती निक्षेपमा २ अर्ब १८ करोड लगानी गरेको छ । कम्पनीको कुल चालु सम्पत्ति ५ अर्ब ४२ करोड रुपैयाँ र कुल चालु दायित्व २ अर्ब १९ करोड रुपैयाँ रहेको छ ।
