काठमाडौँ। झापाको गौरादहमा तीन वटा सहकारी एकै पटक तोडफोड र चोरी भएको छ । उक्त स्थानमा सहकारी दिवसको राति सहकारीमा चोरी भएको स्थानीयले जानकारी दिए ।
गौरादह ५मा रहेको जनहित सहकारी, महारानीझोडा बचत तथा ऋण सहकारीको चप्रामारी सेवा केन्द्र तथा चप्रामारीकै साना किसान सहकारी संस्थाको कार्यालय तोडफोड गरी नगद चोरी भएको स्थानीयको भनाई छ ।
उक्त दिन जनहित सहकारीको सेफमा रहेको सात लाख रुपियाँ चोरि भएको सहकारीका अध्यक्ष योगेश आचार्यको भनाई छ।
यसै गरी महारानी झोडा सेवा केन्द्रबाट ८५ हजार रुपैयाँ र साना किसान सहकारीबाट ५४ हजार रुपियाँ चोरी भएको छ। हाल चोरीमा संलग्नको खोजी कार्य भइरहेको छ ।
