दशैंलाई लक्षित गर्दै सामसङ नेपालद्वारा फोल्डेबल फोनको मूल्यमा कटौती

सामसङ नेपालका निर्देशक प्रणय रत्न स्थापितले रूपान्तरणकारी प्रविधि सबैको पहुँचमा हुनुपर्ने बताए।

उनले भने, “यस दशैंमा हामीले विशेष मूल्यसहित सबैलाई हाम्रो अभूतपूर्व ग्यालेक्सी शृङ्खलाको अनुभव गर्न निम्तो दिएका छौं। प्रियजनहरूसँग जडानका क्षणहरूलाई सक्षम पार्न पाउनुमा हामीलाई गर्व छ।”

ग्राहकहरूले ग्यालेक्सी जेड फोल्ड६ वा ग्यालेक्सी जेड फ्लिप६ खरिद गर्दा अधिकतम ५० हजार रुपैयाँसम्मको क्यासब्याक पाउन सक्नेछन्।

यसका साथै, सामसङका प्रमाणित स्टोरहरूमा सामसङ इन्स्टा फाइनान्स सेवामार्फत यी फोनहरूलाई ०% ब्याजदरमा सजिलो ईएमआई योजनामा खरिद गर्न सकिनेछ। यस योजनाअन्तर्गत १८ महिनासम्मको यन्त्र बीमा सुविधा पनि उपलब्ध हुनेछ। ईएमआई प्रक्रिया सहज बनाउन केवल नागरिकता प्रमाणपत्र आवश्यक पर्ने कम्पनीले जनाएको छ।