काठमाडौँ। प्रभु बैंकका डेपुटी सीईओ तथा तत्कालीन सेन्चुरी कमर्सियल बैंकका पूर्वप्रमुख कार्यकारी अधिकृत मनोज न्यौपाने प्रकाउ परेका छन् । डेपुटी सीईओ न्यौपानेलाई प्रहरीको केन्द्रीय अनुसन्धान ब्युरो (सीआईबी) ले पक्राउ गरेको हो।
न्यौपानेसँगै सेन्चुरी बैंकका पूर्व सीईओ तुलसीराम गौतम पनि पक्राउ परेको ब्यूरोले जानकारी दिएको छ । प्रभु बैंकमा गाभिएको साबिकको सेन्चुरी बैंक सीईओ हुँदा कर्जा प्रवाहमा मनोमानी गरेको पाइएपछि न्यौपानेलाई पक्राउ गरेको सिआईबीको जानकारी छ।
लामो समय सीईओ नभए पनि नेपाल राष्ट्र बैंकले सीईओ नियुक्त गर्न दबाब दिएसँगै बैंक सञ्चालक समितिले न्यौपानेलाई नै सीईओको जिम्मेवारी दिएको थियो। सेन्चुरीका तत्कालीन सीईओ गौतमले राजीनामा दिएपछि न्यौपानेले नै निमित्त सीईओको जिम्मेवारी पाएका थिए ।
