काठमाडौं । प्रभु बैंकका प्रमुख कार्यकारी अधिकृत (सीईओ) सुमन शर्माविरुद्ध कर्जा अपचलन तथा विश्वासघातको आरोपमा फौजदारी मुद्दा दायर भएको छ।
प्रहरीले पर्सा जिल्ला अदालतमा मुद्दा दायर गरेसँगै शर्मा फरार रहेको बताइएको छ। उनी तत्कालीन सनराइज बैंकको सीईओ रहेका बेला भएको कर्जा कारोबारलाई लिएर मुद्दा अघि बढाइएको हो।
शर्माले अञ्जली इन्टरनेसनललाई कर्जा दिने भन्दै धितो लिएको तर त्यसअनुसार कर्जा उपलब्ध नगराएको आरोप लगाइएको छ।
धितो स्वीकार गरेपछि पनि सम्झौताअनुसार कर्जा भुक्तानी नगरेको भन्दै पीडित पक्ष प्रहरीमा पुगेको थियो।
उजुरीपछि प्रहरीले अनुसन्धान अघि बढाउँदै शर्माविरुद्ध पर्सा जिल्ला अदालतमा फौजदारी मुद्दा दायर गरेको हो।
