काठमाडौँ । नेप्सेको पुनर्संरचनाले आगामी आर्थिक वर्षको बजेटमा पनि प्राथमिकता पाएको छ । बिहीबार आगामी आर्थिक वर्षको बजेट भाषणा प्रस्तुत गर्दै अर्थमन्त्री विष्णु पौडेलले नेप्सेको पुनर्संरचना गरिने कुरा उल्लेख गरेका छन् ।
तथापि, नेप्सेको पुनर्संरचनाको कुराले बजेटमा प्राथमिकता पाएको यो पहिलो पटक भने होइन । विगतका धेरै वर्षको बजेटहरुमा नेप्सेको पुनर्संरचनाले प्राथमिकता पाउँदै आएको थियो । यद्दपि, हालसम्म उक्त कुरा बजेटको वक्तव्यमा मात्रै सीमित हुँदै आएको छ ।
