काठमाडौँ । आर्थिक वर्ष २०८२ को असार मसान्तसम्म २० वटा प्रमुख बैंकहरूले शेयर कारोबारबाट कुल ९ अर्ब ३८ करोड ३२ लाख रुपैयाँभन्दा बढी आम्दानी गरेका छन्। अघिल्लो वर्षको सोही अवधिमा उनीहरूले ६ अर्ब ११ करोड १ लाख रुपैयाँ आम्दानी गरेका थिए। यो तुलनामा ५३.५७ प्रतिशतको वृद्धि हो।
शेयर कारोबार आम्दानीमा ग्लोबल आइएमई बैंक सबैभन्दा अगाडि रहेको छ। यसले ९१ करोड ६८ लाख रुपैयाँ कमाएको छ, जुन अघिल्लो वर्षको तुलनामा ५७.८५ प्रतिशतले बढी हो। दोस्रो स्थानमा नबिल बैंकले ७६ करोड ८१ लाख कमाएको छ भने नेपाल इन्भेस्टमेन्ट बैंकले ७६ करोड ६६ लाख रुपैयाँ आम्दानी गर्दै तेस्रो स्थानमा छ।
उल्लेखनीय रूपमा कृषि विकास बैंकको आम्दानी अघिल्लो वर्षको तुलनामा ८ गुणा बढी भएको छ। अघिल्लो वर्ष ५८ लाख रुपैयाँ मात्रै आम्दानी गरेको बैंकले यो वर्ष ५७ करोड ८४ लाख रुपैयाँ कमाएको छ। त्यस्तै, लक्ष्मी सनराइज बैंक, सिटिजन्स बैंक, नेपाल बैंक र राष्ट्रिय वाणिज्य बैंकको आम्दानीमा पनि उच्च वृद्धि देखिएको छ।
