काठमाडौं । प्रतिनिधि सभा सदस्य रेखा यादलवले सरकारले नेपाल राष्ट्र बैंकको गभर्नर नियुक्तिको विषयलाई ठट्टाको रूपमा लिएको आरोप लगाएकी छिन् ।
सोमबारको प्रतिनिधि सभाको बैठकलाई सम्बोधन गर्दै सांसद यादवले राष्ट्र बैंकको गभर्नर नियुक्ति गर्न नसक्नुको कारणलाई लिएर प्रश्न गरिन् । उनले सरकारलाई उक्त विषयलाई लिएर गम्भीर बन्न पनि आग्रह गरिन् ।
उनले भनिन्, "नेपालको केन्द्रीय बैंकको गभर्नर नियुक्तिमा किन ढिलाइ भइरहेको छ ? आर्थिक कारोबारको हल्ला चलिरहेको छ।
यो के हो ? किन यस्तो भइरहेको हो ? जवाफ दिनुपर्यो ।"
