काठमाडौँ । यस वर्षको र यस सातको अन्तिम कारोबारका दिन नेपाली बजारमा आज सुनको मूल्यले नयाँ रेकर्ड बनाएको छ ।
अघिल्लो दिन प्रतितोला २ सय रुपैयाँले घटेको सुनको मूल्य आज भने प्रतितोला २४ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा २४ सय रुपैयाँले बढेर प्रतितोला १ लाख ३९ हजार रुपैयाँ कायम भएको छ ।
त्यसै गरी आज तेजावी सुनको मूल्य पनि २४ सय सय रुपैयाँले बढेदै प्रतितोला १ लाख ३८ हजार ४५० रुपैयाँ कायम भएको छ ।
आज चाँदीको मूल्य पनि ५० रुपैयाँले बढेको छ। चाँदीको मूल्य प्रतितोला १ हजार ७ सय ५० रुपैयाँमा कारोबार भइरहेको छ ।
