काठमाडौं । राष्ट्रपति रामचन्द्र पौडेलले आगामी शुक्रबार संघीय संसद्का दुवै सदनको बैठकमा सम्बोधन गर्ने भएका छन् । राष्ट्रपति पौडेलले उक्त दिन (वैशाख १९ गते) अपराह्न ३ बजे प्रतिनिधि सभा र राष्ट्रिय सभाको संयुक्त बैठकमा सम्बोधन गर्नेछन् ।
सरकारले आगामी आर्थिक वर्षको नीति तथा कार्यक्रम प्रस्तुत गर्न राष्ट्रपति पौडेलसमक्ष सिफारिस गर्ने निर्णय गरेको छ । सरकारको नीति तथा कार्यक्रम राष्ट्रपतिले प्रस्तुत गर्ने संवैधानिक व्यवस्था छ ।
