काठमाडौँ । नेपाली बजारमा सुनको मूल्यले फेरि पनि नयाँ कीर्तिमान बनाएको छ।
आज मंगलबार सुनको मूल्य तोलामा २ लाख १७ हजार १०० रुपैयाँ पुगेर रेकर्ड बनाएको हो। नेपाल सुनचाँदी व्यवसायी महासंघका अनुसार छापावाल सुनको यो मूल्य हालसम्मकै उच्च हो भने अघिल्लो दिनको तुलनामा १ हजार ९०० रुपैयाँ बढी हो।
सोमबार सुनको मूल्य तोलामा २ लाख १५ हजार २०० रुपैयाँ कायम थियो।
यस्तै, चाँदीको मूल्य पनि मंगलबार बढेको छ। महासंघले जनाएको अनुसार, चाँदीको मूल्य आज २ हजार ५९५ रुपैयाँ कायम भएको छ, जुन हालसम्मकै उच्च मूल्य हो।
