कठमाडौं । बरुण हाइड्रोपावर कम्पनी लिमिटेडले गत आर्थिक वर्षको चौथौ त्रैमाससम्मको अपरिष्कृत वित्तीय विवरण सार्वजनिक गरेको छ ।
उक्त सार्वजनिक गरेको विवरण अनुसार कम्पनीको खुद नाफा, बिद्युत बिक्री नाफा लगायतका प्रमुख वित्तीय सूचकहरुमा गिरावट आएको छ । यो अवधिमा कम्पनीको खुद नाफा ९७ दशमलव ३१ प्रतिशतले घटेर तीन लाख एक हजार रुपैयाँमा सीमित बनेको छ ।
कम्पनीले अघिल्लो आर्थिक वर्षको सोही अवधिमा एक करोड १२ लाख रुपैयाँ मुनाफा आर्जन गरेको थियो।
कम्पनीको बिद्युत बिक्रीबाट हुने आम्दानी घटेका कारण खुद नाफा प्रभावित भएको हो । यस अवधिमा कम्पनीको बिद्युत बिक्रीबाट हुने आम्दानी ९५.६२ प्रतिशतले घटेर ३४ लाख ९२ हजार रुपैयाँमा सीमित भएको छ।
कम्पनीको चुक्ता पुँजी ५३ करोड ५८ लाख १५ हजार रुपैयाँ छ । प्रतिसेयर आम्दानी ०६ पैसा र प्रतिसेयर नेटवर्थ १११ रुपैयाँ ४६ पैसा छ ।
