काठमाडौं । यशोदा फुड्सले नुवाकोटका बाढीपीडितलाई राहत सामग्री वितरण गरेको छ। कम्पनीले विपद्को समयमा देवीघाट, विदुरमा राखिएका बाढी प्रभावित नागरिकलाई पहिलो चरणअन्तर्गत चाउचाउलगायत राहत सामग्री वितरण गरेको हो।
कम्पनीका अनुसार प्रभावित नागरिकलाई तत्काल राहत उपलब्ध गराउने उद्देश्यले राहत सामग्रीसहित देवीघाट पुगेको हो। साथै, थप राहत सामग्री बोकेका अन्य कन्टेनरसमेत देवीघाटतर्फ आइरहेको कम्पनीले जनाएको छ।
बाढी तथा पहिरोबाट प्रभावित नागरिकलाई आवश्यक राहत उपलब्ध गराउने अभियानअन्तर्गत थप सामग्री वितरणलाई निरन्तरता दिइने कम्पनीले जनाएको छ।
