काठमाडौं । बेनी हाइड्रोपावर प्रोजेक्ट लिमिटेडको आईपीओ बाँडफाँट सम्पन्न भएको छ । कम्पनीले निष्कासन गरेको आईपीओमा मागभन्दा धेरै आवेदन परेपछि गोलाप्रथामार्फत सेयर बाँडफाँट गरिएको हो ।
बिक्री प्रबन्धक एनएमबि क्यापिटल लिमिटेडका अनुसार आईपीओका लागि कुल २३ लाख ६१ हजार १२४ जनाले आवेदन दिएका थिए । उनीहरूले २ करोड ६३ लाख ७१ हजार ७४० कित्ता सेयरका लागि आवेदन दिएका थिए ।
प्राप्त आवेदनमध्ये २३ लाख ५ हजार २३३ जनाको आवेदन योग्य ठहरिएको थियो । योग्य आवेदकको संख्या निष्कासन गरिएको सेयरको तुलनामा निकै बढी भएपछि गोलाप्रथाबाट सेयर बाँडफाँट गरिएको हो ।
बाँडफाँटमा ८६ हजार ३२० जना आवेदकले १० कित्ताका दरले सेयर पाएका छन् । बाँकी योग्य आवेदकको हात भने रित्तो भएको छ ।
८ लाख ६३ हजार २०० कित्ता आईपीओ
बेनी हाइड्रोपावरले भदौ २२ गतेदेखि २५ गतेसम्म सर्वसाधारणका लागि प्रतिकित्ता १०० रुपैयाँ अंकित मूल्यका ८ लाख ६३ हजार २०० कित्ता आईपीओ निष्कासन गरेको थियो ।
आईपीओको नतिजा बिक्री प्रबन्धक एनएमबि क्यापिटल, मेरो सेयर तथा सिडिएस एन्ड क्लियरिङको आईपीओ नतिजा हेर्ने वेबसाइटमार्फत हेर्न सकिनेछ ।
नतिजा हेर्ने माध्यमहरू :
एनएमबि क्यापिटलको आईपीओ वेबसाइट
मेरो सेयर
सिडिएस एन्ड क्लियरिङको आईपीओ रिजल्ट वेबसाइट
