काठमाडौँ- नेपाली राष्ट्रिय क्रिकेट टोलीका ओपनर आसिफ शेख नेपाल प्रिमियर लिग (एनपीएल) अक्सनमा बिक्ने इतिहासकै सबैभन्दा महँगा खेलाडी भएका छन् ।
सोमबार सम्पन्न अक्सनमा डिफेन्डिङ च्याम्पियन लुम्बिनी लायन्सले २० लाख नेपाली रुपैयामा आसिफलाई आफ्नो टोलीमा भित्र्याएको हो ।
टिमहरुको मार्की खेलाडीको मूल्य २० लाख रहेपनि अक्सनमा खेलाडीको मूल्य यती पुगेको पहिलो पटक हो ।
एनपीएल अक्सनमा अहिलेसम्म ए श्रेणीका खेलाडीहरु अधिकतम १५ लाख नेपाली रुपैयामा बिक्रि भएका थिए । तर ए श्रेणीमा नै रहे पनि आसिफको आधार मूल्य भने १५ लाख नेपाली रुपैया रहेको थियो ।
आसिफका लागि अधिकतम २० लाख खर्च गर्न काठमान्डु गोर्खाजबाहेकका अन्य सात टिम तयार भएपछि उनको टोलीको निर्णय गोलाप्रथाबाट गरिएको थियो ।
गोलाप्रथामा लुम्बिनी भाग्यमानी हुदै आसिफलाई अक्सनबाट इतिहासकै सबैभन्दा धेरै मुल्य खर्च गरेर लुम्बिनीले आफ्नो टोलीमा आबद्ध गरायो ।
