काठमाडौं। प्रतिनिधि सभा बैठकमा राप्रपाले पूर्व राज्यमन्त्री रामचन्द्र रायको हत्या प्रकरणको सत्य तथ्य छानबिन गर्न माग गरेको छ ।
आज बसेको प्रतिनिधि सभा बैठकमा बोल्दै राप्रपाका सांसद रोसन कार्कीले पूर्व राज्यमन्त्री रायको हत्याबारे छानबिन गर्न र मधेशमा दिनप्रतिदिन बढ्दै गएको असुरक्षाप्रति सदनको ध्यानाकर्षण गराएकी हुन्।
पूर्व मन्त्री रायको गए राति सर्लाही चन्द्रनगर गाउँपालिका(१ स्थित आफ्नै निवासमा धारिलो हतियार प्रयोग गरी हत्या गरिएको थियो । यता राप्रपाले एक विज्ञप्ति जारी गर्दै घटना निन्दनीय रहेको जनाउँदै भर्त्सना पनि गरेको छ ।
रायको निधनबाट राप्रपाले आफ्नो संस्थापक सदस्य र तराई मधेश क्षेत्रको लोकप्रिय राष्ट्रवादी नेता गुमाएको पनि विज्ञप्तिमा उल्लेख छ ।
