मैले भनेको छु-भ्रष्टहरूको मुख हेरेर होइन, अपराध हेरेर कारबाही हुन्छ: प्रधानमन्त्री

काठमाडौँ। प्रधानमन्त्री केपी शर्मा ओलीले भ्रष्टाचार गरेका भ्रष्टहरूको मुख हेरेर नभई अपराध हेरेर कारबाही हुने बताएका छन् ।

(आज) मंगलबार ललितपुर महानगरको स्थापना दिवसको अवसरमा आयोजित सभालाई सम्बोधन गर्दै प्रधानमन्त्री ओलीले उक्त भनाई राखेका छन् ।

'आर्थिक हिसाबले देशको अवस्था नाजुक बनाइएको रहेछ । त्यसलाई सम्हालेर फर्काएर माथि उठाउने काम गर्दैछौं ।

उनले थप स्पष्ट पार्दै भने 'देशलाई सुशासन दिनु छ । देशलाई भ्रष्टाचार मुक्त बनाउनु छ । मैले भनेको छु– भ्रष्टहरूको मुख हेरेर होइन, काम र अपराध हेरेर कारबाही हुन्छ । देशमा सुशासन हुन्छ ।’ साथै जनतालाई दुःख दिन कर्मचारीहरूले पनि नपाउने  प्रधानमन्त्री ओलीको धारणा छ ।