काठमाडौँ । सत्तारूढ दल नेपाली कांग्रेसका सांसद रामहरि खतिवडाले सञ्चारमन्त्री पृथ्वी सुब्बा गुरुङलाई आफ्नो जिब्रोमा ब्रेक लगाउन सुझाव दिएका छन् ।
आजको प्रतिनिधिसभा बैठकको आकस्मिक समयमा बोल्दै सांसद खतिवडाले आइजिपीको जिब्रो थुत्नुपर्ने भन्ने सञ्चारमन्त्रीले आपत्तिजनक अभिव्यक्ति दिएको बताउँदै आफ्नो जिब्रोमा ब्रेक लाउन सुल्झाएका हुन्।
‘सञ्चार मन्त्रीले जिब्रो थुत्ने अभिव्यक्ति दिनुभयो । मन्त्रीलाई आग्रह छ जिब्रोमा ब्रेक लगाएर सदनमा जवाफ दिइयोस्‚’ खतिवडाले भने
सांसद खतिवडाले गण्डकी प्रदेशमा मन्त्री पद बिक्रीमा छ भन्ने सांसद दीपक मनाङेको अभिव्यक्तिमा पनि आपत्ति जनाएका छन्।
उनले भने‚‘गण्डकी प्रदेशमा मन्त्री पद बिक्रीमा छ पैसामा बिक्री गर्न सुरुवात गरेको हो रु यसबारे सरकारले जानकारी लिनका लागि समेत म आग्रह गर्न चाहन्छु।
