जानकी । नेपाल–भारत सीमावर्ती नाका जमुनाहाबाट २० लाखसहित एक जनालाई प्रहरीले पक्राउ गरेको छ । सशस्त्र प्रहरीले स्रोत नखुलेको रु २० लाखसहित एक जनालाई पक्राउ गरेको हाे ।
पक्राउ पर्नेमा नेपालगन्ज उपमहानगरपालिका–१५ जमुनाहस्थित २० वर्षीय सोहेल कुरेशी रहेका छन् । उनलाई जमुनाहस्थित शर्मा गल्लीबाट शुक्रबार साँझ स्रोत नखुलेको रु २० लाखसहित सशस्त्र प्रहरीले पक्राउ गरेको हो ।
सशस्त्र प्रहरी बल नेपाल नं ३० गण बाँकेका सूचना अधिकारी प्रहरी नायव उपरीक्षक लक्षमण थापाका अनुसार बाँकेको जयसपुरका कुरेशी मोटरसाइकल चढेर भारतबाट नेपालतर्फ आउँदै गर्दा रहकसहित पक्राउ परेका हुन् ।
मोटरसाइकल चालक भारततर्फ भागेका थिए । रकमसहित कुरेशीलाई आवश्यक कारबाहीका लागि भन्सार कार्यालयको जिम्मा लगाइएको सीमा सुरक्षा गुल्म जमुनाहले जनाएको छ ।
