काठमाडौं । सुन तस्करको नाममा आफ्नो नाम जोडिएसँगै व्यवसायी दिपक मलहोत्राले पत्रकार सम्मेलन गर्ने भएका छन् । व्यवसायी महोत्राले बिहीबार दिउँसो १ बजे होटल रोयल सिंनीमा पत्रकार सम्मेलन आयोजना गरेका छन् ।
मंगलबार हंकङकबाट जहाज चढाएको ल्याइएको १०० किलोग्राम परिमाण बराबरको सुन त्रिभूवन भन्सार कार्यालय पास भएर बाहिरिँदैगर्दा राजस्व अनुसन्धान विभागको टोलीले बरामद गरेको थियो ।
मोटरसाइकल र स्कुटरको ब्रके–शु र दारी काट्ने रेजरमा लुकाएर ल्याइएको सुन व्यवसायी मलहोत्राले ल्याएको भन्ने चर्चा चलेसँगै व्यवसायी मलहोत्राले पत्रकार सम्मेलन गर्ने भएका हुन् ।
यद्यपि, सुन कसले ल्याएको हो अहिलेसम्म एकिन भइसकेको छैन ।
आफ्नो बदनाम गर्नेगरी सुन तस्करमा जोडेको भन्दै व्यवसायी मलहोत्राले पत्रकार सम्मेलनबाट प्रस्ट पार्ने जनाएका छन् । उस्तै परे कानुनी उपचारमा समेत जाने मलहोत्राले बताएका छन् ।
