काठमाडौं । अहिलेसम्म माइक्रोफाइनान्स समूहका ६ वटा कम्पनीहरुले मात्रै सेयरधनीलाई लाभांश घोषणा गरेका छन् ।
लाभांश घोषणा गरेका माइक्रोफाइनान्स कम्पनीहरुमा स्वाबलम्बन लघुवित्त ,युनिक नेपाल लघुवित्त, धौलागिरि लघुवित्त, आरएसडीसी लघुवित्त, एनआईसी एसिया लघुवित्त र सपोर्ट माइक्रोफाइनान्स छन् ।
जसमध्ये आरएसडीसी लघुवित्त कम्पनीको मात्रै बुक क्लोज भइसकेको छ । बुक क्लोज भएको सो कम्पनीको सेयर खरिद गर्नेले यो वर्षका लागि लाभांश पाउने छैनन् ।
त्यस्तै एनआईसी एसिया लघुवित्तको मंसिर २५ गते बुक क्लोज मिति तय भएको छ । सो दिनसम्म सेयर खरिद गर्नेले यो कम्पनीको लाभांश पाउने छन् । लाभांश घोषणा गरिसकेका अरु ४ माइक्रोफाइनान्स कम्पनीहरु धौलागिरी, सपोर्ट, स्वाबलम्बन र युनिक नेपालले भने अहिलेसम्म बुक क्लोजको मिति तय गरिसकेका छैनन् ।
कुन कम्पनीले कति दिँदैछ लाभांश
| कम्पनी | बोनस सेयर | नगद लाभांश |
| धौलागिरी लघुवित्त | १४.२५ | ०.७५ |
| सपोर्ट माइक्रोफाइनान्स | १३ | ०.६८४ |
| स्वाबलम्बन लघुवित्त | १२.३५९ | ०.६५ |
| युनिक नेपाल | १९ | १ |
| एनआईसी एसिया लघुवित्त | ० | १५ |
| आरएसडीसी लघुवित्त | ८.६ | ०.४५ |
