काठमाडौं । सेयर बजारमा बुधबार पनि गिरावट देखिएको छ । बजार परिसूचक नेप्से ७.७९ अंकले घट्दै २ हजार ६८८.८८ विन्दुमा झरेको हो ।
आज कुल ९७ लाख ७७ हजार कित्ता सेयर किनबेच हुँदा ४ अर्ब २ करोड ९३ लाख रुपैयाँ बराबरको कारोबार भएको छ ।
कारोबार भएका कम्पनीमध्ये ७८ वटा कम्पनीको सेयर मूल्य बढेको छ भने १८६ वटा कम्पनीको मूल्य घटेको छ । यस्तै, ११ वटा कम्पनीको सेयर मूल्यमा कुनै परिवर्तन भएन ।
बुधबार एभरेष्ट कलरको सेयर मूल्य सर्वाधिक १४.९९ प्रतिशतले बढेको छ । त्यस्तै, स्नो रिभरको ४.९० प्रतिशत, नबिल ब्यालेन्स फण्डको ३.९१ प्रतिशत, खानीखोला हाइड्रोपावरको ३.६२ प्रतिशत र हिमालयन पावर पार्टनरको सेयर मूल्य ३.३५ प्रतिशतले वृद्धि भएको छ ।
समग्रमा अधिकांश समूहमा बिक्री चाप बढ्दा नेप्से परिसूचक दबाबमा परेको देखिएको छ ।
