काठमाडौँ । पुस महिनामा घरजग्गाको कारोबारमा ३४.०१ प्रतिशत बराबरको बढोत्तरी आएको छ। पुस महिनामा मात्रै देशभरिका मालपोत कार्यालयबाट ४५ हजार २७७ वटा घरजग्गा किनबेच भएको भूमि व्यवस्थापन तथा अभिलेख विभागको तथ्यांकमा उल्लेख छ ।
साथै, घरजग्गा सहित अपार्टमेन्ट किनबेचमा समेत वृद्धि भएको छ ।
विभागका अनुसार चालु आर्थिक वर्षको पहिलो महिना साउनमा १६ युनिट अपार्टमेन्ट किनबेच भएको थियो भने भदौमा २४, असोजमा २३, कार्तिकमा २९, मंसिरमा ६३ युनिट अपार्टमेन्ट किनबेच भएको थियो ।
पुसमा महिनामा कलंकी मालपोतबाट ५३ युनिट, डिल्लीबजार मालपोतबाट पाँच युनिट, चाबहिल मालपोतबाट चार युनिट र लगनखेल मालपोतबाट पाँच युनिट अपार्टमेन्ट किनबेच भएको तथ्यांकमा उल्लेख छ ।
उपत्यकाबाहिर पर्सा (बिरगञ्ज) मा तीन युनिट अपार्टमेन्ट किनबेच भएका छन् भने कास्कीमा एक युनिट अपार्टमेन्ट किनबेच भएको तथ्यांकमा उल्लेख छ । समग्र घरजग्गा कारोबार बढ्दा अपार्टमेन्ट किनबेच पनि बढ्ने व्यवसायीहरूको धारणा छ ।
