काठमाडौँ । फरवार्ड माइक्रो फाइनान्स लघुवित्त वित्तीय संस्थाले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।
सार्वजनिक विवरण अनुसार कम्पनीले तेस्रो त्रैमाससम्म ८७ करोड ८२ लाख रुपैयाँ खुद ब्याज आम्दानी गरेको छ । खुद नाफा गत आवको तेस्रो त्रैमासको तुलनामा चालु आवको सोही अवधिमा १६७ दशमलव १६ प्रतिशतले वृद्धि भएको हो । कम्पनीले गत आवमा चार करोड ३६ लाख रुपैयाँ नाफा कमाएकोमा चालु आवमा बढेर ११ करोड ६५ लाख रुपैयाँ पुगेको हो।
त्यसैगरी गत आवमा कम्पनीको कुल सञ्चालन आम्दानी ९८ करोड सात लाख रुपैयाँबाट ४ दशमलव ०५ प्रतिशतले बढेर एक अर्ब दुई करोड चार लाख रुपैयाँ पुगेको छ । कम्पनीले तेस्रो त्रैमाससम्म ८७ करोड ८२ लाख रुपैयाँ खुद ब्याज आम्दानी गरेको छ ।
जुन गत आवको तुलनामा ६ दशमलव १६ प्रतिशतले बढेको हो । गत आवको सोही अवधिमा कम्पनीको यस्तो आम्दानी ८२ करोड ७२ लाख रुपैयाँ रहेको थियो । चालु आवमा कम्पनीको खुद फि तथा कमिसन आम्दानी १४ करोड १५ लाख रुपैयाँ रहेको छ ।
त्यस्तै कम्पनीको खुद सञ्चालन आम्दानी ५९ करोड ८९ लाख रुपैयाँ रहेको छ । जुन गत आवको तुलनामा २० दशमलव ९६ प्रतिशतले बढेको हो । गत आवको सोही अवधिमा कम्पनीको खुद सञ्चालन आम्दानी ४९ करोड ५१ लाख रुपैयाँ रहेको थियो ।
गत आवको समीक्षा अवधिमा कम्पनीको सञ्चालन मुनाफा छ करोड २७ लाख रुपैयाँ रहेको थियो । चालु आवको सोही अवधिमा कम्पनीको यस्तो मुनाफा १८० दशमलव ०३ प्रतिशतले बढेर १७ करोड ५७ लाख रुपैयाँ पुगेको छ । कम्पनीको खराब कर्जा ५ दशमलव ८८ प्रतिशतबाट बढेर ८ दशमलव २६ प्रतिशत पुगेको छ ।
कम्पनीको इम्पेरमेन्ट चार्ज भने ४८ करोड ५५ लाख रुपैयाँबाट घटेर ४२ करोड १५ लाख रुपैयाँमा झरेको छ । चालु आवको तेस्रो त्रैमाससम्म आइपुग्दा कम्पनीको प्रतिशेयर आम्दानी नौ रुपैयाँ २१ पैसाले बढेर १४ रुपैयाँ ७२ पैसा रहेको छ भने मूल्य आम्दानी अनुपात ७६ गुणा रहेको छ ।
कम्पनीको प्रतिशेयर नेटवर्थ २६९ रुपैयाँ ३४ पैसा रहेको छ भने तरलता अनुपात चार दशमलव ८८ प्रतिशत र प्रतिशेयर कुल सम्पत्तिको मूल्य १९७३ रुपैयाँ ६१ पैसा रहेको छ ।
