काठमाडौँ। महालक्ष्मी विकास बैंकले संस्थापक शेयर बिक्रीमा ल्याएको छ। बैंकले विद्यमान संस्थापक शेयर धनीले मात्रै खरिद गर्न मिल्ने गरी संस्थापक शेयर बिक्रीमा ल्याएको हो।
बिक्रीमा राखिएको शेयर संख्या र सोको मूल्य भने खुलाइएको छैन । इच्छुक संस्थापक शेयर धनीले ३५ दिनभित्र बैंकको केन्द्रीय कार्यालय दरबारमार्ग, काठमाडौँमा निवेदन दिनुपर्नेछ ।
साथै, तोकिएको समयभित्र पर्याप्त आवेदन नपरेमा उक्त शेयर अन्य व्यक्तिलाई बिक्री गरिने बैंकले उल्लेख गरेको छ । मूल्य, सङ्ख्यालगायतको जानकारी लिन केन्द्रीय कार्यालयमै सम्पर्क गर्न बैंकले सूचित गरेको छ ।
