काठमाडौं । सिद्धार्थ बैंक लिमिटेड (SBI) ले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार बैंकले गत आर्थिक वर्षको अन्त्यसम्ममा ३ अर्ब १९ करोड रुपैयाँ कमाएको छ। आर्थिक वर्ष ७८÷७९ को तुलनामा आर्थिक वर्ष ७९/८० को चौथो त्रैमासमा बैंकको नाफा ९ दशमलव ९१ प्रतिशतले वृद्धि भएको हो।
बैंकको खुद ब्याज आम्दानी २३ दशमलव ९७ प्रतिशतले वृद्धि भएको छ ।
कम्पनीले प्रकाशन गरेको प्रतिवेदन अनुसार कम्पनीको वितरणयोग्य नाफा ७९ करोड ५७ लाख रहेको छ । यसको आधारमा कम्पनीको प्रति शेयर वितरणयोग्य नाफा (लाभांश क्षमता) ५ रुपैयाँ ६५ पैसा रहेको छ ।
कम्पनीको खराब कर्जा भने केही बढेको छ । अघिल्लो वर्ष १ दशमलव ०७ प्रतिशत रहेको खराब कर्जा गत आर्थिक वर्षको अन्त्यमा २ दशमलव ०१ प्रतिशत रहेको छ ।
१४ अर्ब ८ करोड रुपैयाँ चुक्ता पूँजी भएको कम्पनीको जगेडामा १० अर्ब ५७ करोड रुपैयाँ र रिटेण्ड अर्निंङ्गमा ७९ करोड ५७ लाख रुपैयाँ रहेको छ। प्रकाशित तथ्याङ्क अनुसार कम्पनीको प्रति शेयर आम्दानी २२ रुपैयाँ ६४ पैसा र प्रति शेयर नेटवर्थ १८० रुपैयाँ ७३ पैसा रहेको छ ।
