काठमाडौँ । नेपाली बजारमा आज सुनको मूल्य बढेको छ । प्रति तोला सुनको भाउ ४०० रुपैयाँले बढेको हो ।
नेपाल सुनचाँदी व्यवसायी महासंघका अनुसार आज (साउन ५ गते) सुनको मूल्य प्रतितोला एक लाख ९३ हजार ७०० रुपैयाँमा कारोबार भइरहेको छ । अघिल्लो कारोबारको दिन सुन प्रतितोला एक लाख ९३ हजार ३०० रुपैयाँमा खरिदबिक्री भइरहेको थियो ।
चाँदीको मूल्य भने स्थिर रहेको छ । चाँदी प्रतितोला दुई हजार २८५ रुपैयाँमा किनबेच भइरहेको छ ।
