काठमाडौँ । केही दिनदेखि लगातार ओरालो लागिरहेको सुनको मूल्य आज भने बढेको छ। आज सुनको मूल्य प्रतितोला एकैदिन ४ हजार ३ सय रुपैयाँले बढेको हो।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख ४ हजार ७ सय रुपैयाँ निर्धारण गरिएको छ। बुधबार सुन प्रतितोला ३ लाख ४ सय रुपैयाँमा कारोबार भएको थियो।
त्यसैगरी, चाँदीको मूल्य पनि आज वृद्धि भएको छ। चाँदी प्रतितोला ८० रुपैयाँले बढेर ५ हजार ६० रुपैयाँ पुगेको महासंघले जनाएको छ।
