काठमाडौँ। नेपाली बजारमा आज सुनको मूल्यमा उल्लेखनीय वृद्धि देखिएको छ। आज सुन प्रतितोला ५ हजार रुपैयाँले बढेको हो।
नेपाल सुनचाँदी व्यवसायी महासंघका अनुसार आजका लागि सुनको मूल्य प्रतितोला २ लाख ८६ हजार रुपैयाँ कायम भएको छ। यसअघि अघिल्लो कारोबार दिन सुन प्रतितोला २ लाख ८१ हजार रुपैयाँमा कारोबार भएको थियो।
यसैगरी, आज चाँदीको मूल्य पनि बढेको छ। चाँदी प्रतितोला ५० रुपैयाँले बढेर ४ हजार ७२० रुपैयाँ पुगेको महासंघले जनाएको छ। अघिल्लो दिन चाँदीको मूल्य प्रतितोला ४ हजार ६७० रुपैयाँ रहेको थियो।
