काठमाडौँ , अघिल्लो दिन आजसम्मकै उच्च बिन्दुमा पुगेको सुनको मूल्यमा आज गिरावट आएको छ। तोलाको दुई लाख नजिक पुगेको सुनको मूल्यमा आज सामान्य गिरावट आएको हो ।
आज एक सय रुपैयाँले घटेको सुनको मूल्य अघिल्लो दिन मंगलबार १९ सयले बढेर तोलाको १ लाख ९८ हजार ५०० रुपैयाँमा कारोबार भएको थियो ।
नेपाल सुन( चाँदी व्यवसायी महासंघका अनुसार बुधवार सय रुपैयाँले घटेर एक तोला सुनको मूल्य १ लाख ९८ हजार ४०० कायम भएको छ। यो मूल्य यस अगाडिका अन्य मूल्य भन्दा बढी हो ।
यता, सुनको भाउ घटे पनि चाँदीको मूल्य भने मंगलबारको तुलनामा वृद्धि भएको छ। आज एक तोला चाँदीको मूल्य २ हजार ३०५ रुपैयाँ तोकिएको छ। मंगलबार २ हजार २८० रुपैयाँ पुगेको थियो।
