काठमाडौँ। कारोबार साताको पाँचौँ दिन आज नेपाल सुनचाँदी व्यवसायी महासंघले आजका लागि सुनचाँदीको मूल्य सूची सार्वजनिक गरेको छ ।
महासंघका अनुसार आज सुनको मूल्य उच्च अंकमा स्थिर रहेको छ । आज सुनको मूल्य स्थिर रहँदै प्रतितोला १ लाख ९८ हजार ४ सय रुपैयाँ कायम भएको छ । अघिल्लो दिन भने सुनको मूल्य १ सय रुपैयाँले घटेको थियो ।
आज चाँदीको मूल्य भने बढेको छ । चाँदी आज १० रुपैयाँले बढ्दै प्रतितोला २ हजार ३१५ रुपैयाँ पुगेको छ ।
