काठमाण्डौ । नेपाली बजारमा आज सुनको मूल्य तोलामै २ हजार रुपैयाँले बढेको छ । नेपाल सुनचाँदी व्यवसायी महासंघका अनुसार आजको लागि सुनको भाउ प्रतितोला ३ लाख १९ हजार रुपैयाँ कायम गरिएको छ ।
अघिल्लो कारोबार दिन सुन प्रतितोला ३ लाख १७ हजार रुपैयाँ रहेको थियो ।
त्यस्तै, चाँदीको भाउ पनि तोलामै ३१० रुपैयाँले बढेको छ ।
महासंघका अनुसार आजको लागि चाँदीको मूल्य प्रतितोला ५ हजार ७२० रुपैयाँ कायम गरिएको छ ।
