काठमाडौँ । सुनको मूल्य ह्वात्तै घटेको छ। बिहीबार नेपाली बजारमा सुनको मूल्यमा ९ हजार ५ सय रुपैयाँले गिरावट आएको हो।
नेपाल सुनचाँदी व्यवसायी महासंघका अनुसार बुधबार प्रतितोला ३ लाख ४ हजार ७ सय रुपैयाँमा कारोबार भइरहेको छापावाल सुन आज घटेर २ लाख ९५ हजार २ सय रुपैयाँमा झरेको छ ।
यसैगरी, चाँदीको मूल्य पनि घटेको छ ।
बुधबार प्रतितोला ५ हजार ६ सय रुपैयाँ रहेको चाँदीको भाउ आज ६२० रुपैयाँले घटेर ४ हजार ९८० रुपैयाँ कायम भएको महासंघले जानकारी दिएको छ ।
