काठमाडौँ । रामेछापको सेलेघाट क्षेत्रमा आज बिहान त्रासदीपूर्ण दुर्घटना घटेको छ। काठमाडौँबाट ओखलढुङ्गाको रगनी जाँदै गरेको ९९७५ नम्बरको यात्रुवाहक बस अचानक नियन्त्रण गुमाएर तामाकोशी नदीमा खसेको हो।
दुर्घटनास्थलमा उद्धारमा संलग्न एक जना प्रहरी अधिकृतका अनुसार, उक्त दुर्घटनामा ५ जनाको घटनास्थलमै मृत्यु भएको पुष्टि भएको छ भने ६ जना यात्रु उद्धार गरी नजिकैको अस्पतालमा भर्ना गरिएको छ। उद्धार कार्य अहिले पनि जारी छ र थप प्रभावित व्यक्तिहरूको खोजी भइरहेको छ।
बसमा कुल कति जना सवार थिए भन्ने यकिन हुन नसकेको प्रहरीको भनाइ छ ।दुर्घटनाको कारणबारे थप अनुसन्धान भइरहेको प्रहरीले जनाएको छ। स्थानीय स्रोतका अनुसार, सेलेघाट क्षेत्र मार्ग कठिन र जोखिमपूर्ण भएको स्थानमा पर्दछ, जहाँ वर्षा र सडकको अव्यवस्थित अवस्था कारण सवारी दुर्घटनाको सम्भावना उच्च रहेको छ।
