काठमाडौं । प्रधानमन्त्री पुष्पकमल दाहाल प्रचण्डले रासायनिक विगतको जस्तो मल अभाव हुने अवस्था नरहेकाे बताएका छन् । प्रधानमन्त्री दाहालले यो वर्ष धान रोप्ने सिजनमा विगतको जस्तो मल अभाव नहुने बताएका हुन् ।
बिहिबार संसदमा भएको प्रश्नोत्तर कार्यक्रममा सांसदले साेधेकाे प्रश्नमा जवाफ दिँदै प्रधानमन्त्री प्रचण्डले रासायनिक मलको आपूर्ति विगतको भन्दा सुदृढ भएको बताए । उनले ३ लाख ५१ हजार मेट्रिक टन आयात भएको उनले दाबी गरे ।
उनले भने, ‘धान रोप्ने सिजनमा विगतको जस्तो मल अभाव हुने अवस्था यस पटक रहेको छैन । शुरुमा रासायनिक मलका लागि रु १५ अर्ब विनियोजन भएपनि थप रु २३ अर्बको स्रोत सुनिश्चित गरी मल आपूर्ति व्यवस्थालाई सुदृढ गरिएको छ ।’
त्यस्तै यही महिनाभित्र भारतको कलकत्ताबाट ४५ हजार मेट्रिक टन डिएपी मल ल्याइने पनि उनले जानकारी दिए ।
