काठमाडौं । विकास बैंकहरुले ब्याजदर घटाउने भएका छन् । बैंकहरुले आगामी साउन १ गतेदेखि लागू हुनेगरी ब्याजदर घटाउने भएका हुन् ।
सीइओहरुको संस्था डेभलपमेन्ट बैंकर्स एशोसिएशनको बैठकले आगामी साउन १ गतेदेखि ब्याजदर घटाउने सहमति गरेको हो ।
वाणिज्य बैंकहरुले ब्याजदर निर्धारण गर्न बैंकलाई खुल्ला छाडे पनि विकास बैंकहरु भने संयमित हुँदै ब्याजदर घटाउन सहमत भएका हुन् ।
विकास बैंकहरुले अहिले मुद्दति निक्षेपमा अधिकतम् १०.६० प्रतिशत ब्याज दिँदै आएका छन् । साउन १ गतेदेखि यसलाई घटाएर १०.१० कायम गर्ने भएका छन् ।
