काठमाडौँ। प्रभु बैंक लिमिटेडले २१ लाख ५ हजार ६७५ कित्ता संस्थापक शेयर सर्वसाधारणका बिक्रीमा ल्याएको छ ।
बैंकले यसअघि बैंककै विद्यमान संस्थापक शेयर धनीले मात्रै आवेदन दिन मिल्नेगरि शेयर बिक्रीमा ल्याएको थियो । तर आवेदन नपरेपछि सर्वसाधारणमा बिक्री खुला गरिएको हो।
उक्त शेयर खरिद गर्न इच्छुक सर्वसाधारण लगानीकर्ताले अबको १५ दिनभित्र काठमाडौँको बबरमहलस्थित प्रभु बैंकको केन्द्रीय कार्यालयमा निवेदन दिनु पर्नेछ।
