काठमाडौं । दशैँको टीका लगाउन आफन्तहरुकोमा जाने क्रमसँगै काठमाडौं का सडकमा सर्वसाधारणको चहलपहल बढ्न थालेको छ ।
काठमाण्डौ उपत्यकामा साईतको टीका घरमा लगाइसकेपछि आफन्तहरुकोमा जाने क्रमसँगै सडकमा सर्वसाधारणहरु देखिन थालेका हुन् ।
हिजो काठमाण्डौ उपत्यकामा निकै कम गाडी चलेकोमा अब बढ्न थालेका छन् ।
आजदेखि पूर्णिमासम्म मान्यजनबाट दुर्गाको प्रसादका रुपमा टीका ग्रहण गर्दा अन्य फूलका साथै घटस्थापनाका दिनमा वैदिक विधिपूर्वक राखिएको पहेँलो जमरालाई समृद्धिको प्रतिकको रुप मानेर लगाउने गरिन्छ ।
