काठमाडौं । एनआईसी एसिया क्यापिटल लिमिटेडले आर्थिक वर्ष २०८२/८३ को नाफाबाट ५० प्रतिशत नगद लाभांश वितरण गर्ने प्रस्ताव गरेको छ।
कम्पनीको सञ्चालक समितिको साउन २६ गते बसेको १७४औँ बैठकले चुक्ता पुँजीको ५० प्रतिशत नगद लाभांश (करसहित) वितरण गर्ने निर्णय गरेको हो।
प्रस्तावित लाभांश पारित गर्न कम्पनीले भदौ २६ गते आठौँ वार्षिक साधारणसभा बोलाएको छ। सभा थापाथलीस्थित कम्पनीको रजिस्टर्ड कार्यालयमा बिहान ९ बजे बस्नेछ।
साधारणसभामा आर्थिक वर्ष २०८२/८३ को वार्षिक प्रतिवेदन, लेखापरीक्षकको प्रतिवेदन तथा असार मसान्तसम्मको वित्तीय विवरण प्रस्तुत गरिने कम्पनीले जनाएको छ।
सभाले प्रस्तावित नगद लाभांश वितरणसम्बन्धी प्रस्तावमाथि निर्णय गर्नेछ।
